RaPo23 படத்தின் ப்ரீ-லுக் வெளியீடு

தெலுங்குத் திரையுலகின் எனர்ஜெட்டிக் ஸ்டார் ராம் போதினேனி இயக்குநராக அறிமுகமாகும் தனது புதிய திரைப்படமான #RaPo23 படத்தின் சுவாரஸ்யமான ப்ரீ-லுக்கை சர்வதேச ஆண்கள் தினத்தை முன்னிட்டு வெளியிட்டுள்ளார். ‘தி ஸ்டோரி ஆஃப் எ லோன் வுல்ஃப்’ (The Story of a LONE WOLF) என்ற வாசகத்துடன் வெளியாகியுள்ள இந்தப் போஸ்டர், படத்தின் மீதான எதிர்பார்ப்பையும் ஆர்வத்தையும் அதிகரித்துள்ளது.

இந்த ப்ரீ-லுக் போஸ்டரில், பிரம்மாண்டமான கட்டிட அமைப்பிற்குள் உள்ள படிக்கட்டுகளில் முதுகைக் காட்டியபடி நிற்கிறார் ராம் பொத்தினேனி. கருப்பு நிற உடையில், வித்தியாசமான V வடிவ ஹேர் ஸ்டைலுடன் காணப்படும் அவருடைய தலையின் பின்புறத்தில் இடம்பெற்றுள்ள டாட்டூ கவனம் ஈர்க்கிறது. ஒரு கையில் துப்பாக்கியும், மறுகையில் டெடி பியரும் வைத்திருக்கும் அவரது தோற்றம் பல்வேறு கேள்விகளையும் மர்மங்களையும் உருவாக்கியுள்ளது. சாம்பல் நிறப் பின்னணியும் பிரம்மாண்டமான கட்டிட அமைப்பும் போஸ்டருக்கு கூடுதல் வலு சேர்க்கின்றன.

மேலும், ‘லோன் வுல்ஃப்’ என்ற கதாபாத்திரத்தின் அடையாளத்தையும் படக்குழு அறிமுகப்படுத்தியுள்ளது. “தனது சொந்தப் பாதையைத் தேர்ந்தெடுத்து, உலகத்தைத் தனியாக எதிர்கொள்ளும் வலிமையான, சுதந்திரமான மனிதன்” என்பதே அதன் விளக்கமாக இடம்பெற்றுள்ளது. இது தனித்துவமான சிந்தனையும், மன உறுதியும் கொண்ட ஒருவரின் கதையாக இப்படம் இருக்கும் என்பதை உணர்த்துகிறது.

பல்வேறு திரையுலகங்களில் தனது பயணத்தை விரிவுபடுத்தி வரும் ராம் போதினேனியின் திரைப்பயணத்தில், #DHARMAN திரைப்படம் மற்றுமொரு முக்கிய மைல்கல்லாக அமையவுள்ளது. கமல்ஹாசன் தயாரிக்கும் இப்படத்தின் மூலம், சூப்பர் ஸ்டார் ரஜினிகாந்துடன் முதன்முறையாக இணைந்து நடிப்பதோடு, ராம் போதினேனி தமிழ் திரையுலகிலும் அறிமுகமாகிறார். #DHARMAN படத்தில் சூப்பர் ஸ்டார் ரஜினிகாந்துடன் ராம் போதினேனி இணைந்திருப்பது, அவர் ஏற்கவிருக்கும் கதாபாத்திரம் என்னவாக இருக்கும் என்ற எதிர்பார்ப்பையும், படத்தின் மீதான ரசிகர்களின் ஆர்வத்தையும் அதிகரித்துள்ளது.
அனிருத் ரவிச்சந்தர் இசையமைக்க, அஷ்வத் மாரிமுத்து இயக்கும் #DHARMAN திரைப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள முக்கியமான படைப்புகளில் ஒன்றாக உருவெடுத்துள்ளது.

சர்வதேச ஆண்கள் தினத்தில் இந்த அறிவிப்பு வெளியாகியிருப்பதும் கூடுதல் சிறப்பு. நடிகராக தனக்கென ஒரு அடையாளத்தை உருவாக்கியுள்ள ராம் போதினேனி, தற்போது இயக்குநராகவும் புதிய சவாலை ஏற்றிருப்பது குறிப்பிடத்தக்கது.

கிருஷ்ணா போதினேனி தயாரிப்பில், ராப்போ சினிமேட்டிக்ஸ் (Rapo Cinematics) நிறுவனம் பிரம்மாண்டமாக இப்படத்தைத் தயாரிக்கிறது. இப்படத்தில் பாலிவுட் நடிகர் ரிதேஷ் தேஷ்முக் முக்கிய கதாபாத்திரத்தில் நடிக்கிறார். இதன் மூலம் அவர் தெலுங்குத் திரையுலகில் அறிமுகமாகிறார். சம்யுக்தா கதாநாயகியாக நடிக்கிறார்.

Leave a Reply

Your email address will not be published. Required fields are marked *